ભાલ પંથકની દહેડા પ્રાથમિક શાળામાં ધોરણ 8ના વિદ્યાર્થીઓનો વિદાય સમારંભ તેમજ એવોર્ડ વિતરણ કાર્યક્રમ યોજવામાં આવ્યો હતો.વિદાય પ્રસંગ  દરમિયાન ધોરણ ૮ના વિદાયમાન વિદ્યાર્થીઓની આંખમાં આંસુની ધારાઓ વહી ગઇ હતી.

એવોર્ડ કાર્યક્રમ દરમિયાન શાળા ના આચાર્ય શિક્ષકોના હસ્તે વિદ્યાર્થીઓને એક્સેલન્સ ઇન ઇંગલિશ, એક્સેલેન્સ ઈન મેથ્સ, એક્સેલન્સ ઇન સાયન્સ, બેસ્ટ સ્ટુડન્ટ, બેસ્ટ ઇન સ્પોર્ટ, આઉટ સ્ટેન્ડિંગ મેનેજમેન્ટ, મોસ્ટ સિન્સિયર સહિતના એવોર્ડ વિદ્યાર્થીઓને વિતરણ કરી પ્રોત્સાહિત કરવામાં આવ્યા હતા. વિદાય સમારંભ ના પ્રસંગે ધોરણ આઠ ના વિદ્યાર્થીઓએ પોતાના પ્રતિભાવો રજૂ કર્યા હતા.

શાળાના આચાર્ય હિતેશભાઈ પરમારે, પ્રસંગો અનુરૂપ સંબોધન અને પ્રતિભાવ રજૂ કર્યા હતા.વિદાયમાન વિદ્યાર્થીઓને ઉત્તરોત્તર પ્રગતિ કરી મા-બાપ, શાળા, સમાજ અને ગામનું નામ રોશન કરે તેવી અભ્યર્થના પાઠવી હતી. શાળાના શિક્ષકોએ પણ વિદાયમાન વિદ્યાર્થીઓ સાથેના શૈક્ષણિક સફર વચ્ચેના પ્રતિભાવો રજૂ કર્યા હતા.વિદ્યાર્થીઓ દ્વારા શાળાને સ્મૃતિ ભેટ અર્પણ કરવામાં આવી હતી.

(સલમાન પઠાણ-ખંભાત)