পথ নে পুখুৰী ধৰিব নোৱাৰা এটা জৰাজীৰ্ণ পথ হৈছে বাক্সাৰ শালবাৰীৰ শিলবাৰী হাঁহচৰা ৰূপহী সংযোগী পথটো৷প্ৰতিদিনে বহু ছাত্ৰছাত্ৰীৰ লগতে সাধাৰণ লোক আহযাহ কৰা পথটোত এজাক বৰষুণ পৰিলেই ব্যাঘাত জন্মে যাতায়াতত৷পথটোৰ মাজে মাজে আকৌ পুখুৰী সদৃশ প্ৰকাণ্ড প্ৰকাণ্ড গাঁত৷বিপিএফ চৰকাৰৰ দিনত পথটো পকীকৰণ কৰিছিল যদিও সেইবোৰ ভাঙিচিঙি গৈ এতিয়া যাতায়াতৰ ক্ষেত্ৰত বাৰুকৈয়ে অসুবিধাৰ সৃষ্টি কৰিছে পথটোৱে৷নিৰ্বাচনৰ পূৰ্বে বিটিআৰ প্ৰমুখ প্ৰমোদ বড়ো আৰু স্থানীয় বিধায়ক উৰ্খাও গৌৰা ব্ৰহ্মই পথটো নিৰ্মাণৰ কথা দিছিল যদিও আজিলৈ সেয়া পূৰণ নকৰিলে বুলি ৰাইজে অভিযোগ কৰিছে৷