গোলাঘাটত বিশ্ব অভিলেখৰ বাবে বিহুনাচৰ প্ৰশিক্ষণ শিবিৰ। আহা ১৪ এপ্ৰিলৰ গুৱাহাটী সৰুসজাই ষ্টেডিয়ামত অসম চৰকাৰে বিশ্ব অভিলেখ সৃষ্টিৰ বাবে দহ হাজাৰৰো অধিক ঢুলীয়া- নাচনীৰে অসমৰ বিহু নৃত্যই বিশ্ব অভিলেখ গঢ়ি গীনিজ বুক অৱ ৱৰ্ল্ড ৰেকৰ্ডত স্থান লাভ কৰিব পৰাকৈ একেটা স্থানতে বিহুনাচ প্ৰদৰ্শন কৰাৰ ক্ষেত্ৰত গোলাঘাট জিলাতো জিলা প্ৰশাসনৰ উদ্যোগত ব্যৱস্থা গ্ৰহণ কৰা হৈছে ৷ আজি এই বিহুনাচ, ঢোল বাদন প্ৰশিক্ষণ শিবিৰ আনুষ্ঠানিকভাৱে শোভাৰম্ভ কৰে মন্ত্ৰী তথা স্থানীয় বিধায়ক অজন্তা নেওগে। আজিৰে পৰা গোলাঘাট জিলাৰ পাঁচ ঠাইত চুড়ান্ত প্ৰশিক্ষণ আৰু আখৰা আৰম্ভ হৈছে। উল্লেখ্য ইতিমধ্যে জিলাখনৰ ৫ টা স্থানত অনুষ্ঠিত হৈ যোৱা বাচনি শিবিৰৰ পৰা নিৰ্বাচিত কৰা বিহুৱতী, ঢুলীয়া আদিৰ ৫ দিনীয়া প্ৰশিক্ষণ তথা অনুশীল আজিৰে পৰা অহা ৩১ মাৰ্চলৈ জিলাখনৰ ৫টা স্থান ক্ৰমে গোলাঘাট সমন্বয় ক্ষেত্ৰ, সৰুপথাৰ ৰাজহুৱা খেল পথাৰ, বোকাখাট ৰাজহুৱা খেল পথাৰ, দেৰগাঁও স্মৃতি পথাৰ আৰু খুমটাই সমষ্টিৰ বগৰীজুৰি স্পৰ্টচ ক্লাব প্লে গ্ৰাওণ্ড ৯.৩০ বজাৰ পৰা অনুষ্ঠিত হৈছে। এই প্ৰশিক্ষণ স্থলীত সৰ্বমুঠ বিহুৱতী, ঢুলীয়া আদিৰ প্ৰশিক্ষণ তথা অনুশীলন মাষ্টাৰ ট্ৰেইনাৰ সকলৰ তত্বাৱধানত আৰম্ভ হৈছে।