সন্মুখত বাপতিসাহোন হেপাহৰ ৰঙালী বিহু । ৰঙালী বিহুলৈ বুলি সাজু প্ৰতিজন অসমীয়া। ঢোল, পেপা, বাঁহীৰ শব্দত মুখৰিত ৰাজ্যৰ চৌদিশ ৷ ৰাজ্যখনৰ প্ৰান্তে প্ৰান্তে চলিছে বিহু নাচ আৰু ঢোল বাদনৰ কৰ্মশালা ৷ ব্যতিক্ৰম নহয় বাক্সাৰ জালাহো ৷ জালাহতো জালাহ আঞ্চলিক ৰঙালী বিহু সন্মিলনৰ উদ্যোগত আৰম্ভ হৈছে বিহুনাচ আৰু বিহুঢোলৰ সাতদিনীয়া কৰ্মশালা ৷ ইতিমধ্যে বিহু কৰ্মশালাত শতাধিক শিশু আৰু যুৱতীয়ে অংশগ্ৰহণ কৰিছে । পাঁচদিনীয়াকৈ অনুষ্ঠিত হোৱা এই কৰ্মশালাত প্ৰশিক্ষক হিচাপে উপস্থিত থাকে জালাহৰ প্ৰবক্তা অশ্বিনী দাস ৷ লোক নৃত্য আৰু বাদ্য সংৰক্ষণৰ বাবে দীৰ্ঘদিন ধৰি কাম কৰি অহা অশ্বিনী দাসে নিৰ্ভুল ভাৱে বিহু গীত- নৃত্য নৱ প্ৰজন্মই শিকাৰ বাবে এই কৰ্মশালা অনুষ্ঠিত কৰা বুলি জানিব দিয়ে ৷ উল্লেখ্য যে বিহু নাচৰ লগতে একেখন বাকৰিতে ঢোল বাদনৰ প্ৰশিক্ষণো প্ৰদান কৰা হৈছে।