ডিব্ৰুগড় জিলাৰ অধীনস্থ মৰাণ ৰাজহ চক্ৰৰ লাট গাঁও প্ৰধান চক্ৰ সমিতিৰ সাধাৰণ সভাখন আজি দুপৰীয়া সম্পন্ন হৈ যায়৷ মৰাণ ৰাজহ চক্ৰ বিষয়া কাৰ্যালয় চৌহদত অৱস্থিত গাঁও প্ৰধান চক্ৰ সমিতিৰ ভৱনত অনুষ্ঠিত সভাখনত সভাপতিত্ব কৰে বিদায়ী সভাপতি গিৰিশ বুঢ়াগোহাঁয়ে৷ বিগত কাৰ্যকালৰ সম্পদকীয় প্ৰতিবেদন পাঠ কৰে বিদায়ী সম্পাদক যোগানন্দ গগৈয়ে৷ সভাখনত লাট গাঁও প্ৰধান মৰাণ চক্ৰ সমিতিৰ কৰ্মকৰ্তাসকলৰ সমস্যাসমূহৰ ওপৰত বিস্তৃতভাৱে আলোচনা কৰি ভৱিষ্যতৰ কৰ্মপন্থা নিৰূপন কৰা হয়৷ এই সভাতে পৰৱৰ্তী কাৰ্যকালৰ কাৰণে কুলধৰ খনিকৰক সভাপতি পদ্মৰাজ বৰাক সম্পাদক আৰু শোণিত গগৈক কোষাধ্যক্ষ হিচাপে লৈ এখন নতুন সমিতি গঠন কৰা হয়৷