সাংবাদিক মহেন্দ্ৰ নাথ হাজৰিকালৈ গোলাঘাট জিলা সাংবাদিক সংস্থাৰ বটাঁ
বিশিষ্ট সাংবাদিক তথা গোলাঘাট জিলা সাংবাদিক সংস্থাৰ প্ৰাক্তন সভাপতি মহেন্দ্ৰ নাথ হাজৰিকালৈ গোলাঘাট জিলা সাংবাদিক সংস্থাই আগবঢ়াইছে শ্ৰেষ্ঠ মফচলীয়া সাংবাদিক বটাঁ । গোলাঘাট জিলা সাংবাদিক সংস্থাৰ সভাপতি বিকাশ শৰ্মা আৰু সাধাৰণ সম্পাদক দ্বীপেন বৰাই প্ৰকাশ কৰা মতে সংস্থাৰ আজি অনুষ্ঠিত হোৱা এখন বিশেষ সভাই জেষ্ঠ সাংবাদিক গৰাকীক এই বটাঁৰ বাবে নিৰ্বাচিত কৰে । অহা ২৮ মাৰ্চত অসমৰ অন্যতম পুৰণি সাংবাদিকৰ সংগঠন গোলাঘাট জিলা সাংবাদিক সংস্থাৰ দেৰগাঁৱত অনুষ্ঠিত হব লগীয়া ৫৯ সংখ্যাক প্ৰতিষ্ঠা দিৱসৰ মুকলি সভাত বিশিষ্ট সাংবাদিক গৰাকীক এই বটাঁ প্ৰদান কৰা হব ।
