ফাগুনৰ প্ৰথমটো বুধবাৰ উপলক্ষে ৰাজ্যৰ মিচিং জনগোষ্ঠীৰ বসতিপ্ৰধান অঞ্চলসমূহত আজি উলহ-মালহেৰে উদযাপন কৰা হৈছে আলি-আয়ে-লিগাং ৷ ৰাজ্যৰ বিভিন্ন প্ৰান্তৰ লগতে ডিমৌতো পৰম্পৰাগতভাৱে উদযাপন কৰা হৈছে আলি-আয়ে-লৃগাং ৷ কৃষিভিত্তিক এই আলি-আই-লৃগাঙৰ পৰম্পৰা অনুসৰি আজিৰ দিনটোতে সূৰ্য দেৱতাক সাক্ষী কৰি আহু ধানৰ বীজ সিঁচা হয় ৷ গাঁৱৰ জেষ্ঠসকলে ধূপ-ধূণা, নৈবেদ্যৰে বীজ সিঁচাৰ পাছতে গাঁৱৰ ল'ৰা-ডেকা-বুঢ়া, জীয়ৰী-বোৱাৰী সকলো একত্ৰিত হৈ গুমৰাগ নৃত্যৰে উৎসৱৰ আনন্দত মতলীয়া হৈ পৰে ৷ গুমৰাগ চ' মানৰ পাছতে "মুৰং ঘৰ" উন্মোচন কৰি পৰম্পৰাগত ৰীতি-নীতিৰে জেষ্ঠসকলক পৰম্পৰাগত খাদ্যৰে আপ্যায়ন কৰা হয় ৷ এই আলি-আয়ে-লিগাঙক লৈ ডিমৌৰ বিভিন্ন গাঁৱত ব্যাপক উচাহ পৰিলক্ষিত হৈছে ৷