निबंध स्पर्धेतील विजेत्यांचा माजी आमदार शिवाजीराव पाटील कव्हेकरांच्या हस्ते सत्कार
औसा प्रतिनिधी -जे.एस.पी.एम.संचलित स्वामी दयानंद विद्यालय, कव्हा शाळेच्यावतीने घेण्यात आलेल्या निंबध स्पर्धेतील प्रथम द्वितीय व तृतीय विजेत्यांना भाजपा नेते, किसान मोर्चा गोवा राज्याचे प्रभारी, जेएसपीएम संस्थेचे संस्थापक अध्यक्ष माजी आ.शिवाजीराव पाटील कव्हेकर यांच्याहस्ते पारितोषीक देऊन सन्मानीत करण्यात आले.
यावेळी स्वामी दयानंद विद्यालय, कव्हा येथील शाळेच्या मुख्याध्यापिका अरूणा कांदे, प्राथमिकच्या मुख्याध्यापिका सुनिता मुचाटे, उपमुख्याध्यापक प्रकाश देशमुख, बाबासाहेब कदम, मंडोळाप्पा थंबा, तुकाराम आक्कलदिवे, प्रमोद मोकाशे, शेषेराव धामणगावे, पंचायत समितीच्या माजी सदस्या दिपमाला मस्के, सौ.अंबेसंगे मॅडम, कांबळे मॅडम यांच्यासह शिक्षक-शिक्षकेत्तर कर्मचार्यांची व विद्यार्थ्यांची मोठ्या संख्येने उपस्थिती होती.
संस्थेची व शाळेची प्रतिमा उंचावण्यासाठी प्रयत्नशील रहावे - माजी आ.कव्हेकर
शैक्षणिक वर्ष 2023-24 मध्ये जेएसपीएम संचलित स्वामी दयानंद विद्यालयाच्या माध्यमातून नवीन शैक्षणिक वर्षात प्रवेश वाढविणे, स्पर्धात्मक परीक्षा घेणे, शैक्षणिक गुणवत्ता वाढविणे व नव्याने सुरू होत असलेल्या शाळेच्या प्रवेशासाठी प्रयत्नशील राहणे, 1 ली ते 4 थी सेमी वर्ग सुरू करणे आदी सूचना करून शाळेची गुणवत्ता व शैक्षणिक प्रतिमा उंचाविण्यासाठी प्रयत्नशील रहावे असे प्रतिपादन भाजपा नेते तथा किसान मोर्चा गोवा राज्याचे प्रभारी माजी आ.शिवाजीराव पाटील कव्हेकर यांनी केले.
