মৰাণত খোৱাং আঞ্চলিক বন বিষয়াৰ কাৰ্য্যালয়ৰ সমীপত ৩৭নং ৰাষ্ট্ৰীয় ঘাই পথত আজিসংঘটিত হোৱা এক পথ দুৰ্ঘটনাত দুজন যুৱক গুৰুতৰ ভাৱে আহত হয়। আহত যুৱক দুজন ক্ৰমে তিলৈৰ কৌশিক ৰাজবংশী(১৮) আৰু হালধিবাৰী বৰ পথাৰৰ ডিম্পল গগৈ।প্ৰত্যক্ষদৰ্শীয়ে জানিবলৈ দিয়ামতে মৰাণৰ দিশৰ পৰা আহি থকা AS04x8131নম্বৰৰ এখন চাৰিচকীয়া বিলাসী বাহনে বন বিভাগৰ কাৰ্য্যালয়ৰ সন্মুখত ঘূৰাবলৈ লওতেই একে দিশৰ পৰা আহি থকাAS06AG 5128নম্বৰৰ মটৰ চাইকেলখনে খুন্দা মাৰে। ফলত মটৰ চাইকেলত অহা আৰোহী দুজন দূৰত চিটিকি পৰি গুৰুতৰ ভাৱে আহত হয়। আহত দুইজনকে ততাতৈয়াকৈ চিকিৎসালয়ত ভৰ্তি কৰোৱা হয় ঘটনাস্থলীত আৰক্ষী উপস্থিত হৈ বাহন দুখন জিম্মাত লৈ আৰক্ষী থানালৈ আনে।