নলবাৰী জিলাৰ ঘগ্ৰাপাৰ প্ৰাথমিক শিক্ষা খণ্ডৰ অন্তৰ্গত থানপাতকুছি প্ৰাথমিক বিদ্যালয়ত আজি স্থানীয় ৰাইজে তলা ওলমাই প্ৰতিবাদ সাব্যস্ত কৰে৷উল্লেখ্য যে বিদ্যালয় খনত বৰ্তমান আশি গৰাকীতকৈ বেচি ছাত্ৰছাত্ৰীৰ বিপৰীতে মাত্ৰ দুজন শিক্ষকেে পাঠদান কৰিব লাগে৷এই সম্পৰ্কে স্থানীয় ৰাইজে বিভাগীয় ভাবে যোগাযোগ কৰাৰ পিচতো বিভাগৰ দায়িত্বশীল বিষয়া সকলে কোনো গুৰুত্ব নিদিয়াত আজি পূৱাই গাওঁবুঢ়া সমন্বিতে অভিভাৱক আৰু একাংশ স্থানীয় ৰাইজে বিদ্যালয়ৰ মূল প্ৰবেশ দ্বাৰত তলা লগাই প্ৰতিবাদ সাব্যস্ত কৰে৷