ડીસા તાલુકાની સદરપુર પ્રાથમિક શાળામાં જૈન મુનિનું સંસ્કાર શાળાના ધડતર માટેનું પ્રવચન..

રિપોર્ટ : વિનોદભાઈ બાડિવાળા

ડીસા તાલુકાની સદરપુર પ્રાથમિક શાળામાં શાળાના વિદ્યાર્થીઓ નાનપણથી જ સંસ્કારી બને અને ભારતીય સંસ્કૃતિ પ્રમાણે જીવનમાં સંસ્કારોનું ધડતર કરે અને આગળ વધે તે માટે આગમવિશારદ પરમ પૂજ્ય આચાર્ય દેવ શ્રી વિજય તપોરત્ન સૂરીશ્વરજી મહારાજાના શિષ્યરત્ન પૂજ્ય ગણિવિર્ય શ્રી કલ્પરક્ષિત વિજયજી મહારાજ સાહેબ અને પૂજ્ય મુનિરાજ શ્રી જ્ઞાનરક્ષિત વિજયજી મહારાજ સાહેબશ્રી દ્વારા સદરપુર ગામની સદરપુર પ્રાથમિક શાળામાં રોકાણ કરી તમામ વિદ્યાર્થીઓને બોધ પ્રવચન આપવામાં આવ્યો..

અને વિધાર્થી જીવનમાં પાળવા જેવા ૧૬ નિયમોનું ભવ્ય માનવ કાર્ડ ધોરણ ૫ થી ૮ ના વિધાર્થીઓને આપવામાં આવ્યું..

જેથી વિદ્યાર્થીકાળથી જ તેમનામાં સંસ્કારોનું સિંચન થાય આ ઉપરાંત સાથોસાથ વ્યસનના સામાજિક દૂષણોથી તેમને જીવનમાં શું અસર થાય તે વિશે જાણકારી આપી વ્યસનથી દૂર રહેવાનો દરેક વિદ્યાર્થીઓને સંકલ્પ લેવડાવવામાં આવ્યો..

અને સાથોસાથ તેમને બનાસકાંઠા જિલ્લાને સંસ્કારકાંઠા બનાવવા તથા દરેક શાળાને સંસ્કારશાળા બનાવવા માટેના પોતાના આયોજનની વાત કરી હતી..

જેનો લાભ શાળાના તમામ વિદ્યાર્થીઓ તથા શિક્ષકમિત્રોએ લીધો હતો..

શાળાના શિક્ષકશ્રી રાહુલકુમાર મોદી દ્વારા સમસ્ત શાળા પરિવાર દ્વારા તેમનું શાબ્દિક સ્વાગત તથા વિધાર્થીઓને સરસ પ્રવચન આપવા બદલ આભાર વ્યક્ત કર્યો હતો..