ઉત્તર ભારતમાં ભારે હિમવર્ષાને પગલે તેની સીધી અસર ડીસા સહિત સમગ્ર પંથકમાં પણ અસહ્ય ઠંડીનો એહસાસ લોકોએ કર્યો હતો. આજે સિઝનનું સૌથી નીચું તાપમાન રહ્યું હતું. ડીસામાં આજે લઘુતમ તાપમાન 6.9 ડિગ્રી નોંધાયુ હતું. એક જ દિવસમાં સાડા ત્રણ ડિગ્રી જેટલું તાપમાન ઘટી જતા લોકોએ અસહ્ય ઠંડીનો સામનો કરવો પડ્યો હતો. ડીસાના કાંટ ગામે ગાડી ઉપર બરફ જામી જતા લોકોએ અસહ્ય ઠંડીના કારણે કાશ્મીર જેવો અહેસાસ કર્યો હતો.