કર્ણાટકના મૈસૂરમાં વડાપ્રધાન નરેન્દ્ર મોદીના મોટા ભાઈ પ્રહ્લાદ મોદીની ગાડીને ગંભીર અકસ્માત નડ્યો હોવાની પ્રાથમિક માહિતી સામે આવી રહી છે. આ દુર્ઘટના મૈસૂર તાલુકાના કડાકોલા પાસે બની હતી. પ્રહ્લાદ મોદી પોતાની કારથીબેંગલોરથી બાંદીપુર તરફ જઈ રહ્યા હતા.મર્સિડિઝ બેંઝ ગાડીમાં સવાર પ્રહ્લાદ મોદીના દીકરા, પત્ની અને પૌત્ર પણ તેમની સાથે હતા. આ ઘટનામાં પ્રહ્લાદ મોદીને પોતાને, વહુ અને તેમના પૌત્રને ગંભીર ઈજા પહોંચી છે. જ્યારે તેમના દીકરા અને ડ્રાઈવર સત્યાનારાયણને સામાન્ય ઈજાઓ પહોંચી છે. તમામને સારવાર માટે નજીકની હોસ્પિટલ ખસેડવામાં આવ્યા છે. હાલ વધારે માહિતીની રાહ જોવાઇ રહી છે...