নামনি মাজুলীৰ অতিকৈ পিছপৰা ঠাই বালিজান অঞ্চল। ১৯৯৫ চনতে প্ৰতিষ্ঠিত বিদ্যালয় খন আছিল দৰিদ্ৰ দিন হাজিৰা কৰা পিতৃ-মাতৃৰ বাবে সন্তানক জীৱন গঢ়াৰ সপোনৰ কমাৰশাল। কিন্তু শিক্ষা বিভাগৰ অবিবেচক আৰু কাণ্ডজ্ঞানহীন কাণ্ডৰ বিৰুদ্ধে জাঙুৰ খাই উঠিছে অভিভাৱক সকল। তিনিজনকৈ টিউতৰ নিযুক্তি দিছিল যদিও বিদ্যালয় খনত নাই শিক্ষক। শিক্ষক বিচাৰি আৱেদন নিবেদন কৰিও নাপালে শিক্ষক। অৱশেষত খবৰ আহিল বিদ্যালয় খন আন বিদ্যালয়ৰ লগত জাপি দিয়াৰ হে জো-যা কৰিছে। জনজাতি বালিজান এম ই স্কুলখনত আছে ৭৫ জন ছাত্র-ছাত্ৰী। এই ৭৫ জন ছাত্র ছাত্ৰী লৈ ভয়ংকৰ অমানিষা নামি আহিছে। শিক্ষা অধিকাৰৰ পৰা বঞ্চিত হৱ অঞ্চলটোৰ ছাত্র ছাত্ৰী। জাপি দিব বিচৰা বিদ্যালয়লৈ যথেষ্ট দুৰ আৰু যাতায়ত অতি দুৰ্গম। সেয়েহে অঞ্চলটোৰ অভিভাৱক সকলে হাজিৰা কাম কাজ এৰি বিদ্যালয়ৰ সন্মূখত প্ৰতিবাদী কাৰ্যসূচী ৰূপায়ন কৰিছে। চৰকাৰৰ এই কাণ্ডজ্ঞানহীন সিদ্ধান্ত সলনিৰ দাবী উথ্ৰাপন কৰিছে।