ডিব্ৰুগড় জিলাৰ মৰাণৰ খোৱাঙ আঞ্চলিক বন বিভাগৰ অন্তৰ্গত ১ নং দিখাৰীত প্ৰায় আঠ ফুট দীঘল এডাল অজগৰ উদ্ধাৰ কৰে প্ৰফুল্ল বৰুৱা নামৰ ব্যক্তিয়ে। ব্যক্তি গৰাকীয়ে পথাৰত ধান আনিবলৈ যাঁওতে পকা ৰাস্তাত অজগৰটো অতিক্ৰম কৰিব লওতে দেখা পায় উদ্ধাৰ কৰে আৰু খোৱাং আঞ্চলিক বন বিভাগক খবৰ দিয়ে। কিছুসময়ৰ পিছত খোৱাং আঞ্চলিক বন বিভাগৰ লোক উক্ত স্থানত উপস্থিত হৈ অজগৰটো লৈ যায়। কিছু দিনৰ পৰা উক্ত অঞ্চলত হাঁহ, কুকুৰা, ছাগলী পোৱালী আদি ভক্ষণ কৰি অহাৰ সন্দেহ প্ৰকাশ কৰিছে স্থানীয়লোকে। কিয়নো বিগত দিন কেইটা অঞ্চলটোৰ হাঁহ, কুকুৰা, ছাগলী পোৱালী হেৰাই আছিল। বৰ্তমান লৈকে বন বিভাগে কত এৰিব সেই বিষয়ে সঠিক জনোৱা নাই ।