সদৌ অসম কবি মঞ্চৰ উদ্যোগত এইবেলিৰ পৰা সদৌ অসম ভিত্তিত কাব্যগ্ৰন্থ প্ৰতিযোগিতা আয়োজন কৰিছে৷নিৰ্বাচিত শ্ৰেষ্ঠ কাব্যগ্ৰন্থ খনক সমাজৰত্ন দিনমণি ভাণ্ডাৰ কায়স্থ বঁটা প্ৰদান কৰিব বুলি জানিব দিছে৷উল্লেখ্য যে উক্ত বঁটাত নগদ ধন,মানপত্ৰ আৰু বঁটা থাকিব৷ইচ্ছুক প্ৰতিযোগী সকলে ৯৪০১৩৬৭৩৮৭,৯১০১৫১৯১৬০,৯১২৭৩১৭১২৬ ফোন নম্বৰত যোগাযোগ কৰি প্ৰ-পত্ৰ সংগ্ৰহ কৰিব লাগিব আৰু প্ৰ-পত্ৰ পূৰণ কৰি ২০২১-২২ বৰ্ষত প্ৰকাশিত নিজৰ কাব্যগ্ৰন্থৰ দুটা কপি প্ৰ-পত্ৰত উল্লেখ থকা ঠিকনালৈ অহা ১৫ ডিচেম্বৰ ২০২২ৰ ভিতৰত পঠাব লাগিব৷মনকৰিবলগীয়া কথা যে সমাজৰত্ন দিনমণি ভাণ্ডাৰ কায়স্থ এজন বিশিষ্ট সমাজসেৱক৷সকলো মানুহৰে সুখ দুখৰ সমভাগী হৈ ৰাইজৰ মাজত জনপ্ৰিয় হোৱা ব্যক্তি৷চৰকাৰী দায়িত্বশীল পদপীত উপবিষ্ট এই গৰাকী লোকে সকলো সামাজিক,আধ্যাত্মিক আদি অনুষ্ঠান প্ৰতিষ্ঠানত সহায়ৰ হাত আগবঢ়াই অহাৰ লগতে আৰ্তজনক বিভিন্ন প্ৰকাৰে সহায় কৰি সকলো ৰাইজৰ প্ৰিয়ভাজন হৈ পৰিছে৷তেওঁৰ ৰাজহুৱা কৰ্মৰাজিৰ স্বীকৃতি হিচাবে কামৰূপ জিলা সাহিত্য সভাই সমাজৰত্ন বঁটাৰে বিভূষিত কৰিছে৷ইয়াৰোপৰি হাজোৰ লগতে ৰাজ্যৰ কেইবাটাও অনুষ্ঠান প্ৰতিষ্ঠানেে বিভিন্ন বিভূষণৰে অলংকৃত কৰি সমাজসেৱক গৰাকীক সন্মানিত কৰিছে৷এই গৰাকী সমাজৰত্ন নামৰে এইবেলি সদৌ অসম কবি মঞ্চই কাব্যগ্ৰন্থৰ বঁটা প্ৰদান কৰিব লোৱাটো সচাকৈয়ে প্ৰসংশাৰ কাম বুলি সচেতন মহলে মত পোষণ কৰিছে৷৷ইয়াৰোপৰি কবি মঞ্চই পৰ্য্যায়ক্ৰমে বছৰৰ শ্ৰেষ্ঠ প্ৰৱন্ধ গ্ৰন্থ আৰু শ্ৰেষ্ঠ গল্প গ্ৰন্থৰো প্ৰতিযোগিতা অনুষ্ঠিত কৰিব বুলি সদৌ অসম কবি মঞ্চৰ এটি সুত্ৰত প্ৰকাশ কৰিছে৷৷
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
