ગુજરાત વિધાનસભાની 5મી ડિસેમ્બરે યોજાનાર બીજા તબક્કાની સામાન્ય ચૂંટણીને હવે ગણતરીનાં દિવસો બાકી રહ્યાં છે ત્યારે આગામી 1 ડિસેમ્બરનાં રોજ પંચમહાલ જીલ્લાની પાંચ વિધાનસભાની બેઠકો ગોધરા, શહેરા,હાલોલ,કાલોલ અને મોરવા આ તમામનાં ચૂંટણી પ્રચારને લઈ વડાપ્રધાન નરેન્દ્ર મોદી વેજલપુર માઈકો સીડ્સ કંપનીના સામેના મેદાનમાં જાહેર સભાને સંબોધશે ત્યારે વડાપ્રધાન નરેન્દ્ર મોદીના આગમનને પગલે સુરક્ષા તંત્ર અને વહીવટી તંત્ર પણ સતર્ક બન્યુ છે અને આજુબાજુનો એરિયા પોલીસ છાવણીમાં ફેરવાઈ ગયો છે ત્યારે આજ રોજ વડાપ્રધાનની  સુરક્ષા સલામતીની તૈયારીઓનાં ભાગ રૂપે મેદાનમાં બનાવેલ હેલિપેડ ઉપર એમ્બ્યુલન્સ,આરોગ્ય વિભાગ,ફાયર ફાઇટરની ટીમ અને અન્ય સુરક્ષાનાં સાધનો સાથે હેલિકોપ્ટર ઉતારી અગમચેતી અને સુરક્ષાના ભાગરૂપે  રિહર્સલ કરવામાં આવ્યું હતું.