અમરેલી જિલ્લાના બગસરા શહેરમાં આવેલ સથવારા સમાજની વાડી પાસે પાર્ક કરવામાં આવેલ એક બાઇકની ડેકીમાંથી વૃદ્ધએ રાખેલ ૫૦ હજારની રોકડ રકમ લઈને એક શખ્સ નાસી છૂટ્યો હતો.
આ બનાવને પગલે પોલીસમાં ફરિયાદ નોંધાતા પોલીસે વધુ તપાસ હાથ ધરી હતી.
શહેરમાં સથવારા સમાજની વાડીના પૂર્વ બાજુ ના ગેટ બહાર મુળજીભાઈ દેવજીભાઈ મહિડા (ઉ.વ.૬૩) રહે.મેઘાણીનગર વાળા એ
પોતાનું સ્પેલન્ડર બાઈક રજી.નંબર - જીજે.૧૪-એ.પી-૨૪૬૫ પાર્ક કરેલ હતું.
આ બાઈક ની ડેકીમાં રોકડ ૫૦ હજાર રકમ પાકીટમાં રાખેલ હતી.
આ ડેકીમાં રાખેલ રકમ ૧૫ નવેમ્બરના રોજ કોઈ અજાણ્યો ઈસમ લઈને નાસી છૂટ્યો હતો.
ધોળા દિવસે આ વૃદ્ધની બાઈકની ડેકીમાંથી કોઈ અજાણ્યો ઈસમ ચોરી કરી નાસી છૂટ્યા શહેરમાં ચકચાર મચી જવા પામી હતી.
આ બનાવને ત્રણ દિવસ બાદ વૃદ્ધએ બગસરા પોલીસ મથક ખાતે બનાવને લઈને ફરિયાદ નોંધાતા પોલીસે વધુ તપાસ હાથ ધરી હતી.
રિપોર્ટર. ભરતભાઈ ખુમાણ રાજુલા /અમરેલી
