চৰাইদেউ জিলাৰ মৰাণহাট আৰক্ষী থানাৰ অন্তৰ্গত ককৰামৰাত উদ্ধাৰ হৈছে নৱজাতক। নৱজাতকৰ কান্দোন শুনি স্থানীয় ৰাইজে হাবিৰ মাজৰ পৰা উদ্ধাৰ কৰে শিশুটো।শিশুটো আজি জন্ম হোৱা বুলি জানিব পৰা গৈছে। কোনোবাই নিজৰ অপকৰ্ম ঢাকিবলৈ এইদৰে আজি জন্ম হোৱা নৱজাতকটোক হাবিত পেলাই দিয়াৰ সন্দেহ। ইতিমধ্যে মৰাণহাট আৰক্ষীয়ে শিশুটো উদ্ধাৰ কৰি চিকিৎসা ব্যৱস্থা কৰিছে। ঘটনা পোহৰলৈ অহাৰ পাছতে মৰাণত সৃষ্টি হৈছে চাঞ্চল্য।