मुंबई-गोवा मार्गावरील भरणे येथील काशीमठा समोर आज (शुक्रवारी) कार आणि टेम्पाेचा भीषण अपघात झाला. या अपघातात तिघे जण जखमी झाले आहेत.

मुंबईहून साखरपाच्या दिशेने कार निघाली हाेती. त्यावेळी कारची आणि टेम्पोची धडक झाली. हा अपघात इतका भीषण हाेता की कारचा चक्काचूर झाला. हा अपघात घडल्यानंतर माेठा आवाज झाल्याने परिसरातील नागरिक घटनास्थळी धावले.

यावेळी स्थानिकांनी जगद्गुरु नरेंद्रचार्य महाराज संस्थानच्या रुग्णवाहिकेतून जखमींना कळंबणी उपजिल्हा रुग्णालयात उपचारासाठी पाठविले. घटनास्थळावरुन मिळालेल्या माहितीनूसार अनंत सखाराम गवळी, सुरेश सखाराम महाडिक व लक्ष्मण सखाराम महाडिक हे तिघेजण जखमी झाले.