নাজিৰা মহকুমাত বৰ্তমান চলি থকা জল জীৱন আঁচনিত অধীনৰ পানী যোগান প্ৰকল্পসমূহৰ বিতং অগ্ৰগতি সন্দৰ্ভত আলোচনাৰ বাবে মহকুমাধিপতি আয়ুষী জৈন মহোদয়াৰ পৌৰহিত্যত কাৰ্যালয়ৰ সভাকক্ষত এখনি সভা অনুষ্ঠিত হয়। সভাত জনস্বাস্থ্য কাৰিকৰী বিভাগৰ বিষয়াসকল, TPI এজেন্সি, বিদ্যুৎ বিভাগৰ বিষয়া তথা প্ৰকল্পৰ অনুমোদন লাভ কৰা সংশ্লিষ্ট ঠিকাদাৰসকল উপস্থিত থাকে। সভাত মহকুমাধিপতি মহোদয়াই প্ৰতিটো প্ৰকল্পৰ কামৰ অগ্ৰগতি তথা আনুসংগিক বিষয়াসমূহ বিতংভাৱে আলোচনা কৰে। তেখেতে সময়সুচী অনুসৰি প্ৰকল্পসমূহ সম্পূৰ্ণ কৰি তুলিবলৈ আদেশ দিয়ে আৰু সকলো অভিযন্তাক নিয়মীয়াকৈ ক্ষেত্ৰসমূহ পৰিদৰ্শন কৰিবলৈ আহ্বান জনায়।