ધારી તાલુકાના ફાચરિયા ગામે ગટરના પાણી મુદ્દે બે પક્ષોએ ગાળાગાળી કરી એકબીજા સામે જાનથી મારી નાંખવાની ફરિયાદ નોંધાવી હતી. લીલીબેન ગોકળભાઈ પદમાણી (ઉ.વ.૬૨)એ રાજેશભાઈ શામજીભાઈ દુધાત સામે નોંધાવેલી ફરિયાદ પ્રમાણે આરોપીએ તેમની સાથે ગટરના પાણી બાબતે ગાળાગાળી કરીને જાનથી મારવાની ધમકી આપી હતી. જે બાદ સંગીતાબેન રાજેશભાઈ દુધાત (ઉ.વ.૪૨)એ લીલીબેન ગોકળભાઈ પદમાણી સામે નોંધાવેલી ફરિયાદ મુજબ, ગટરના પાણીના નિકાલ અંગેના જુના પ્રશ્ન બાબતે લીલીબેને તેમને તથા તેમના પતિને ગાળાગાળી કરી તથા જાનથી મારી નાંખવાની ધમકી આપી હતી.