আজিৰ পৰা গুৱাহাটীৰ দেশ ভক্ত তৰুণ ৰাম ফুকন ইনডৰ ষ্টেডিয়ামত 12 সংখ্যক সিংহপুৰুষ ৰাধাগোবিন্দ বৰুৱা মেজৰ ৰেংকিং টেবুল টেনিছ প্ৰতিযোগিতা আৰম্ভ হৈছে,  9টা দিন ধৰি চলিব লগীয়া টেবুল টেনিছ প্ৰতিযোগিতাখনত নগেন হাজৰিকা  মেজৰ ৰেংকিং টেবুল টেনিছ  আৰু আন্তঃজিলা টেবুল টেনিছখনো অনুষ্ঠিত হ'ব। 17 জিলাৰ 400ৰো অধিক খেলুৱৈয়ে অংশ গ্ৰহণ কৰিছে। প্ৰতিযোগিতাখনৰ আজি শুভাৰম্ভ কৰে ৰিণিকি শৰ্মা ভূঞাই। শুভাৰম্ভ কৰি তেওঁ কয় যে খেলুৱৈসকলে হাৰিম,হাৰিলে গালি খাব লাগিব নেকি এনেকুৱা শংকা লৈ কেতিয়াও খেলিব নালাগে, জনাখিনি আত্মবিশ্বাসৰে উজাৰি খেলিব লাগে বুলি মন্তব্য কৰে। এই শুভাৰম্পনী অনুষ্ঠানত ৰাধাগোবিন্দ বৰুৱাৰ নাতিনী ববিতা ৰাজখোৱা , প্ৰতিযোগিতাখনৰ মুখ্য ৰেফাৰীৰ দায়িত্বত থকা গোৱিন্দ উপাধ্যায়, অসম টেবুল টেনিছ সন্থাৰ সম্পাদক ত্ৰিদিৱ দুৱৰা, উপস্থিত থাকে, আৰম্ভণিতে ত্ৰিদিৱ দুৱৰাই ক্ৰমান্বয়ে অসম টেবুল টেনিছ আগুৱাই গৈ আছে আৰু খেলুৱৈ সকলে খেলাৰ লগতে পঢ়া-শুনাও বজাই ৰাখিব লাগে বুলি মন্তব্য কৰে,শেষত ৰিনিকি ভূঞা শৰ্মাই খেলি সামৰণি মাৰে