ગોંડલ એસટી ડેપો ના નવનિયુક્ત ડેપો મેનેજર કુલદીપસિંહ જાડેજા ની નિમણુંક થતા તેમનું ડેપો ના કર્મચારીઓ દ્વારા ઢોલ નગારા સાથે સ્વાગત કરવામાં આવ્યું હતું. આ પહેલા પણ કુલદીપસિંહ જાડેજા ડેપો મેનેજર તરીકે ફરજ બજાવી ચુક્યા હતા જે દરમિયાન કર્મચારીઓ ની લાલીયાવાડી, પ્રાઇવેટ વાહનો નો પગપેસારો, મુસાફરો ના પ્રશ્નો ના તાત્કાલિક નિકાલ સહિત અનેક સરાહનીય કામગીરી કરેલ હતી અને ડેપો ની આવક તથા સ્વચ્છતા બાબત માં ડિવિઝન મા અગ્રેસર હતું. ફરી તેમની નિમણુંક ને કર્મચારીઓ તેમજ લોકોએ વધાવી હતી. આ તકે શહેર ભાજપ ઉપપ્રમુખ કિશોરભાઈ ધડુક, યુવા ભાજપ ઉપપ્રમુખ કુલદીપસિંહ જાડેજા, વેપારી મહામંડળ મહામંત્રી નલિનભાઈ જડિયા, દાઉદી વ્હોરા સમાજ ના પ્રમુખ આબેદીનભાઈ હિરાણી, યુવા એડવોકેટ રવિભાઈ ઠકરાર, મોહિત પાંભર, યુનિયન ના આગેવાનો, કર્મચારીઓ તથા મોટી સંખ્યામાં મુસાફરો જોડાયા હતા.