প্ৰসিদ্ধ চিত্ৰশিল্পী নীলপৱন বৰুৱাৰ পৰলোক গমনে সমগ্ৰ অসমৰ লগতে নাজিৰাৰ শিল্পী , সমাজ জীৱনৰ জনগণকো ম্ৰিয়মান কৰি তুলিছে । যোৱা কালি সন্ধিয়া নাজিৰা নগৰৰ মাজমজিয়াস্থ নাট্য মন্দিৰৰ সন্মুখত নাজিৰা শিল্পী সমাজৰ সৌজন্যত প্ৰসিদ্ধ চিত্ৰশিল্পী নীলপৱন বৰুৱালৈ শ্ৰদ্ধাঞ্জলি অনুষ্ঠান আয়োজন কৰে । নাজিৰাৰ চিত্ৰশিল্পী তথা শিক্ষক জয়ন্ত ঢেকীয়াল ফুকনে বন্তি প্ৰজ্বলনেৰে শুভাৰম্ভ কৰা অনুষ্ঠান আতধৰে শিল্পী অৰুণ কোঁৱৰে । অনুষ্ঠানত অনাতাৰ শিল্পী দিলীপ দাস , শিৱ প্ৰসাদ শইকীয়া , পৱন আগৰৱালা , চিত্ৰশিল্পী আলি হাইদৰ আদিকে ভালেকেইজন গণ্য - মান্য ব্যক্তিয়ে প্ৰসিদ্ধ চিত্ৰশিল্পী নীলপৱন বৰুৱালৈ গভীৰ শ্ৰদ্ধাঞ্জলি জ্ঞাপন কৰে শোক প্ৰকাশকৰে ।