ডিব্ৰুগড়ৰ লাহোৱালত ৰাজ্যিক বিজেপিৰ সভাপতি ভৱেশ কলিতা। লাহোৱাল প্ৰাথমিক স্বাস্থ্য কেন্দ্ৰত ক'ভিড ভেকচিনৰ তৃতীয় পালি প্ৰদানৰ বাবে ৰাইজক সজাগ কৰাৰ লগতে স্বাস্থ্য কৰ্মী সকলক সকলো ৰাইজক ভেকচিন প্ৰদান কৰিবলৈ আহ্বান জনায়। ঝাৰখণ্ডত চৰকাৰ ভঙা-পতাত অসমৰ মুখ্যমন্ত্ৰী জড়িত থকা বুলি উত্থাপিত অভিযোগৰ সন্দৰ্ভত প্ৰতিক্ৰিয়া ৰাজ্যিক বিজেপিৰ সভাপতিৰ। ঝাৰখণ্ড চৰকাৰ ভঙা পতাক লৈ অসমৰ মুখ্যমন্ত্ৰী ড০ হিমন্ত বিশ্ব শৰ্মা সিদ্ধহস্ত নহয় বুলি মন্তব্য। নিজৰ মাজত সংঘটিত বিসম্বাদক লৈ অসমৰ মুখ্যমন্ত্ৰীক সাঙুৰি লোৱা কাৰ্য সমৰ্থনযোগ্য নহয়। ঝাৰখণ্ডত নিজৰ নিজৰ দল নিজে ঠিক কৰক বুলিও মন্তব্য ভৱেশ কলিতাৰ। অনুষ্ঠানত লাহোৱাল সমষ্টিৰ বিধায়ক বিনোদ হাজৰিকা, জিলা বিজেপিৰ সভাপতি জগদীশ ৰাজকোঁৱৰ, ডিব্ৰুগড় নগৰ উন্নয়ন প্ৰাধিকৰণৰ অধ্যক্ষ অসীম হাজৰিকাৰ লগতে দলৰ কৰ্মকৰ্তা সকল উপস্থিত থাকে।