প্ৰত্যেক বছৰৰ দৰে এইবাৰো ডিব্ৰুগড় জিলাৰ টিংখাঙৰ ৰাজগড়স্থিত ঐতিহাসিক শ্ৰী শ্ৰী যুৰীয়া আই থানত পৱিত্ৰ ছঠ পূজা দুদিনীয়া কাৰ্যসূচীৰে পালন কৰা হৈছে ৷ সুন্দৰ আৰু আধ্যাত্মিক পৰিৱেশত পালন কৰা ছঠ পূজাত আজি বহু ভক্তৰ সমাগম হয় ৷ নিজ মনোকামনা পূৰণ কৰাৰ উদ্দেশ্যে ভক্তসকলে নৈবদ্য লৈ বিয়লি ভাগত ছঠ পূজা ঘাটত উপস্থিত হয় ৷ বহু ভক্তই নিজ মনোকামনা পূৰণ কৰাৰ উদ্দেশ্যে ব্যতিক্ৰমী ৰূপত ঘাটলৈ অহা দেখা যায় ৷ ছঠ পূজা চাবলৈ পূজা ঘাটত বহু লোকৰ সমাগম হয় ৷ ভক্তসকলে নৈবদ্য লৈ ছঠ পূজা ঘাটত সূৰ্য দেৱতাক আৰাধনা কৰে ৷ ইপিনে ছঠ পূজা উদযাপন সমিতিয়ে বহু কেইগৰাকী লোকক ছঠ পূজা ঘাটত সন্মান জ্ঞাপন কৰে ৷ পুৰোহিতৰ মন্ত্ৰ উচ্চাৰণ আৰু সংকল্পৰ পিছত ভক্তসকলে প্ৰথম অৰ্ঘ্যৰ পিছত ঘাটৰপৰা নিজ গৃহলৈ ৰাওনা হয় ৷ পুৱা দুই বজাত পুনৰ ভক্তসকলে দ্বিতীয় অৰ্ঘ্যৰ বাবে ঘাটলৈ আহিব ৷ ছঠ পূজা উদযাপন সমিতিয়ে সুন্দৰভাৱে পূজাৰ আয়োজন কৰাৰ বাবে ভক্তসকলে উদযাপন সমিতিৰ পদক্ষেপক শলাগ লয় ৷