ডিব্ৰুগড় জিলাৰ টিংখাঙৰ কলৌলোৱা সোনোৱাল গাঁৱত কৃষক ৰাইজৰ নিদ্ৰা হৰণ কৰিছে এজাক বনৰীয়া ম'হে ৷ নিশাটোৰ ভিতৰতে ম'হৰ জাকটোৱে খাই উচন কৰিছে কৃষকৰ বিঘাই বিঘাই শস্যৰ পথাৰ ৷ শেহতীয়াকৈ প্ৰায় প্ৰতিদিনেই ম'হৰ জাকটোৱে গেৰ ধৰা ধাননি পথাৰ খাই নষ্ট কৰাত হাহাঁকাৰ কৰিবলগীয়া হৈছে কৃষকসকলে ৷ তদুপৰি গাঁওখনৰ কৃষকে কৰা ৰঙালাও, দাংবডী আদি বামখেতিও খাই তহিলং কৰাত উপায়হীন হৈ পৰিছে কৃষকসকল ৷ প্ৰতি বছৰেই খেতিৰ সময়ত এনেদৰে বনৰীয়া ম'হে উপদ্ৰপ কৰাতো এতিয়া অঞ্চলটোৰ বাবে গভীৰ সমস্যা হৈ পৰিছে ৷ ক্ষতিগ্ৰস্ত ৰাইজে বন বিভাগক বিষয়টো অৱগত কৰিছে যদিও বন বিভাগে গুৰুত্ব প্ৰদান নকৰাৰ অভিযোগ কৰিছে ৰাইজে ৷ দিনৰ ভাগতে গৈ কৃষকৰ হাতত দুপেকেট ফটকা দিয়েই দায়িত্ব সামৰিছে বিভাগটোৱে ৷ একেদৰে বছৰি বনৰীয়া ম'হে শস্যৰ পথাৰ খাই তহিলং কৰা কলৌলোৱা সোনোৱাল গাঁৱৰ ৰাইজে চৰকাৰৰ পৰাও কোনো সহায় সাহাৰ্য লাভ কৰা নাই বুলি জানিবলৈ দিছে ৷ টিংখাং সমষ্টিৰ বিধায়ক তথা কেবিনেট মন্ত্ৰী বিমল বৰাক বিষয়টো গুৰুত্ব প্ৰদান কৰি ভূক্তভোগী ৰাইজক সকাহ দিবলৈ ৰাইজে আহ্বান জনাইছে ৷
महावीर कुल्फी सेन्टर की और से बूंदी वासियों को दीपावली की हार्दिक बधाई व शुभकामनाएं
