এটা বনৰীয়া মহ হত্যা কৰি মাংস ভক্ষণ কৰিবলৈ চেষ্টা কৰা ৫ জন লোকক আটক কৰিছে টিংখাং আৰক্ষীয়ে। টিংখাং আৰক্ষী থানাৰ অন্তৰ্গত ধমন বৰবিল গাঁৱত সংঘটিত হৈছে এই ঘটনা। গাওঁখনৰ ডিম্বেশ্বৰ কোচ নামৰ লোকজনে যোৱা বৃহস্পতিবাৰে ফাণ্ড পাতি এটা বনৰীয়া মহ ধৰিবলৈ সক্ষম হয়। মতা এই বনৰীয়া মহটো মঙ্গলবাৰে পুৱাই টিংখাঙৰ নাওজান গাঁৱৰ ভদ্ৰ আৰন্ধৰা নামৰ লোকজনে আন কেইজনমানৰ সৈতে মিলি ৫০ হাজাৰ টকাত ক্ৰয় কৰি হত্যা কৰে। ঘটনাৰ লগত জড়িত থকা নাওজানৰ ভদ্ৰ আৰন্ধৰা ৩ নং হাতীগড়ৰ প্ৰকাশ চয়, ৰাফেল চুৰীন, লোকাচ হেমৰম আৰক্ষীয়ে আটক কৰিছে। ইয়াৰে আৰু তিনিজন পলাই যাবলৈ সক্ষম হয়।