সোণাৰিৰ অসম-নগালেণ্ড সীমান্তৰ নামতোলাত অসম চাহ জনজাতি ছাত্ৰ সন্থাৰ সোণাৰি শাখাৰ এগৰাকী কৰ্মীক আক্ৰমণ কৰা ঘটনাৰ পাছতে সৰৱ হৈ উঠিছে সংগঠনটো। মনু পাটনায়ক নামৰ আটছা কৰ্মী গৰাকীক দাৰে আক্ৰমণ সংগীতা গোৱালা নামৰ এগৰাকী মহিলাক নামতোলা আৰক্ষীয়ে আটক কৰিছে যদিও এই ঘটনাত বহু কেইগৰাকী লোক জড়িত থকাৰ অভিযোগ উত্থাপন কৰিছে সংগঠনটোৱে। এই কাণ্ডত জড়িত থকাসকলৰ নাম এখন অভিযোগ নামা যোগে ইতিমধ্যে নামতোলা আৰক্ষীৰ ওচৰত দাখিল কৰা হৈছে আৰু ২৪ ঘণ্টাৰ ভিতৰত সকলোকে আটক কৰি উপযুক্ত শাস্তি প্ৰদান কৰিবলৈ আটছা চৰাইদেউ জিলা সমিতিয়ে দাবী উত্থাপন কৰিছে।