দেউৰী স্বায়ত্ত্বশাসিত পৰিষদৰ নিৰ্বাচনৰ মনোনয়ন পত্ৰ দাখিলৰ আজি অন্তিম দিন ১৫ নং বৰদেউৰী সমষ্টিৰ হৈ নিৰ্দলীয় প্ৰাৰ্থী ৰূপে মনোনয়ন পত্ৰ দাখিল কৰে কামান্ডাৰ দেউৰীয়ে ৷ সমষ্টিটোৰ বিভিন্ন দল সংগঠনৰ সহমতত নিৰ্দলীয় ৰূপে মনোনয়ন পত্ৰ দাখিল কৰি বিয়লি সমষ্টিটোত উপস্থিত হোৱাৰ লগে লগে শতাধিক সমৰ্থকে প্ৰাৰ্থীগৰাকীক জয়ধ্বনিৰে ফটকা ফুটাই ঢোলেদগৰে আদৰণি জনায় ৷ পৰিষদ খনৰ জন্মলগ্নৰে পৰা বৰদেউৰী সমষ্টিক প্ৰতিনিধিত্ব কৰি অহা অমৃতপ্ৰভা দেউৰীক লৈ ৰাইজৰ মাজত সৃষ্টি হোৱা তীব্ৰ অসন্তুষ্টিৰ বাবে কামান্ডাৰ দেউৰীয়ে নিৰ্দলীয় ৰূপে প্ৰতিদ্ধন্দিতা কৰিবলৈ আগবাঢ়ি আহিছে বুলি জানিবলৈ দিয়াৰ লগতে প্ৰাৰ্থীগৰাকীয়ে কয় তেওঁৰ বিজয়েৰে সমষ্টিটোত ওৰ পেলাব দীৰ্ঘদিনীয়া পৰিয়ালকেন্দ্ৰিক ৰাজনীতি , দুৰ্নীতি আৰু অপশাসন ৷