শোণিতপুৰ আৰক্ষীৰ অভিযানত নিশা জব্দ দুটাকৈ পিষ্টল৷ কলাকুছিৰ বেলশিৰিত চলোৱা এক অভিযানত উদ্ধাৰ হৈছে অবৈধ মাৰনাস্ত্ৰ৷ শোণিতপুৰৰ অতিৰিক্ত আৰক্ষী অধীক্ষকৰ নেতৃত্বত চলিছিল অভিযান৷ কোনো লোকে নিৰ্দিষ্ট স্হানৰ পৰা পিষ্টল দুটা লৈ যোৱাৰ কথা আছিল৷ শোণিতপুৰ আৰক্ষীৰ হাতত আছিল আগতীয়া খবৰ৷ খবৰৰ ভিত্তিত আৰক্ষীৰ দল নিৰ্দিষ্ট স্হানত পূৰ্বৰে পৰা ৰৈ আছিল৷ আৰক্ষীৰ উপস্হিতিৰ উমান পাই নিৰ্দিষ্ট স্হানলৈ নাহিল কোনো লোক৷ ঘটনাৰে কোন জড়িত সেই সন্দৰ্ভত তদন্ত অব্যাহত৷