অসম ফুটবল সন্থাৰ দ্বাৰা স্বীকৃতিপ্ৰাপ্ত বৰভাগ ইউনাইটেড স্পোৰ্টচ ক্লাৱৰ দ্বাৰা পৰিচালিত ৩৪তম বৰ্ষৰ বিংশতিতম বাৰ্ষিক ডা°ৰামদত্ত বুজৰবৰুৱা আৰু ভূপেন শৰ্মা সোঁৱৰণী চলন্ত ট্ৰফী প্ৰাইজমাণী ফুটবল প্ৰতিযোগিতাৰ চুড়ান্ত খেলখন অহা ১৬ অক্টোবৰ আবেলি ২-৩০ বজাত পশ্চিম বড়িগোগ ধীৰদত্ত উচ্চতৰ মাধ্যমিক বিদ্যালয় খেলপথাৰ(বৰখালা)ত অনুষ্ঠিত হৱ৷খেলখন উদ্বোধন কৰিব প্ৰবীন ভলীবল সন্থা,অসমৰ সভাপতি নৃপেন দাসে৷উদ্বোধনী অনুষ্ঠানত মুখ্য অতিথি হিচাবে উপস্থিত থাকিব মংগলদৈ লোকসভা সমষ্টিৰ সাংসদ তথা বিজেপি ৰাষ্ট্ৰীয় সাধাৰণ সম্পাদক দিলীপ শইকীয়া আৰু নলবাৰী সমষ্টিৰ বিধায়ক তথা অসম চৰকাৰৰ কেবিনেট মন্ত্ৰী জয়ন্ত মল্ল বৰুৱা৷আনহাতে উদ্বোধনী অনুষ্ঠানত কেইবাগৰাকীও বিশিষ্ট ক্ৰীড়াবিদ,ক্ৰীড়া সংগঠক,সামাজিক ব্যক্তি,সাংবাদিকক সন্মানীয় অতিথি হিচাবে আমন্ত্ৰণ জনাইছে৷খেলত অংশগ্ৰহণ কৰিব মুকালমুৱা আঞ্চলিক ক্ৰীড়া সন্থা(মাছা)আৰু গোৰেশ্বৰ টাউন ক্লাৱে৷খেলত সমূহ ৰাইজৰে সহায় সহযোগিতা কামনা কৰিছে আয়োজক সমিতিয়ে৷৷