পূজাৰ আনন্দৰ মাজতে সোণাৰি সমষ্টিৰ টাইৰাই মাজগাওঁত সংঘটিত ভয়ংকৰ পথ দুৰ্ঘটনাত দ্ৰুত বেগী বলেৰ'ৰ খুন্দাত নিহত শিশুটিৰ বাসগৃহত আজি উপস্থিত হ'ল সমষ্টিটোৰ বিধায়ক ধৰ্মেশ্বৰ কোঁৱৰ। উল্লেখ্য যে পথৰ দাঁতিত ৰৈ থকা শিশুটিক খুন্দিয়াই পলায়ন কৰিছিল সাপেখাতিৰপৰা সোণাৰি অভিমুখী এখন বলেৰ'। দুৰ্ঘটনা সংঘটিত হোৱাৰ কিছু মুহুৰ্তৰ পাছতে ঘটনাস্থলীত উপস্থিত সোণাৰিৰ বিধায়ক ধৰ্মেশ্বৰ কোঁৱৰে শিশুটিক চিকিৎসাৰ বাবে যাৱতীয় সহযোগিতা আগবঢ়াই যদিও চিকিৎসালয় গৈ পোৱাৰ আগতেই মৃত্যু হয় বকুল গগৈ নামৰ শিশুটি। ইয়াৰ পৰিপ্ৰেক্ষিতত আজি সোণাৰি সমষ্টিৰ বিধায়ক ধৰ্মেশ্বৰ কোঁৱৰে শিশুটিৰ ঘৰত উপস্থিত হৈ পৰিয়ালটোৰ বুজ লয়। আনহাতে দুৰ্ঘটনাৰ সময়ত পৰিয়ালটোক সহযোগিতা আগবঢ়োৱা বাবে বিধায়ক গৰাকীক কৃতজ্ঞতা জনাই পৰিয়ালটোৰ লগতে স্থানীয় ৰাইজে।