વિશ્વમાં અને ભારતમાં ક્રિકેટ ફેન્સ માટે એક મોટી અપડેટ આવી છે. આ મહિનાના અંતમાં થનારા એશિયા કપની તારીખો જાહેર થઈ ગઈ છે. બીસીસીઆઈના સચિવ જય શાહે મંગળવારે સાંજે આ તારીખો જાહેર કરી છે. 27 ઓગસ્ટથી શરૂ થતી આ ટૂર્નામેન્ટમાં ભારત-પાકિસ્તાનની ટીમ 28 ઓગસ્ટે આમને સામને આવશે.

એશિયા કપ આ વખતે ટી-20 ફોર્મેટમાં રમાવાની છે. અહીં પહેલી મેચ શ્રીલંકા અને અફઘાનિસ્તાન વચ્ચે દુબઈમાં રમાવાની છે. જ્યારે રવિવારે 28 ઓગસ્ટે ભારત અને પાકિસ્તાનની ટીમ આમને-સામને હશે. આ મેચ પણ દુબઈમાં જ રમાવાની છે.

 

ગયા વર્ષે ટી-20 વર્લ્ડકપ પછી આ પહેલીવાર ટીમ ઈન્ડિયા અને પાકિસ્તાનની ટીમ સામસામે રમશે. આ મેચ પણ યુએઈમાં રમાઈ હતી. જેમાં પાકિસ્તાને ભારતને 10 વિકેટથી હરાવ્યું હતું.

એશિયા કપ 2022માં ભારતની મેચ

28 ઓગસ્ટે- ભારત Vs પાકિસ્તાન, દુબઈ
31 ઓગસ્ટ- ભારત Vs ક્વોલિફાઈ કરનાર ટીમ, દુબઈ