চৰাইদেউ জিলাৰ বৰহাটত চাঞ্চল্যকৰ কাণ্ড। অজ্ঞাত উৎসৰপৰা অহা গুলীৰ আঘাতত আহত হোৱা বুলি অভিযোগ কৰিছে এগৰাকী মহিলাই। বৰহাটৰ পানবাৰী শিলনি নগা গাঁৱত সংঘটিত হৈছে এই ঘটনা। দিনৰ ভাগতে সংঘটিত এই ঘটনাত আঘাতপ্ৰাপ্ত মহিলাগৰাকীৰ নাম আৰতী গোৱালা। অভিযোগ অনুসৰি অজ্ঞাত উৎসৰপৰা অহা গুলীয়ে চালৰ টিনপাত ভেদি ঘৰৰ ভিতৰত থকা আৰতী গোৱালাৰ ভৰিত আঘাত কৰে। যাৰ ফলত গুলীৰ আঘাতত গুৰুতৰভাৱে আহত হয় মহিলা গৰাকী। আনহাতে মহিলা গৰাকীক আঘাত কৰি মাটিত সোমাই যোৱা গুলীটো ইতিমধ্যে আৰক্ষীয়ে উদ্ধাৰ কৰা বুলি জানিব পৰা গৈছে। কিন্তু ৰহস্যজনক ভাৱে এতিয়াও মৌন হৈ আছে চৰাইদেউ আৰক্ষী। প্ৰকৃততে এয়া গুলী নে আন কিবা সেই কথাও স্পষ্ট কৰা নাই আৰক্ষীয়ে। যদিহে প্ৰকৃততে বন্দুকৰ গুলীয়েই হয় তেনেহলে এই গুলীৰ উৎস সন্দৰ্ভত এতিয়াও নিশ্চিত তথ্য পোহৰলৈ অহা নাই।