আধাৰশিলাৰ তিনিটা বছৰ অতিক্ৰম কৰাৰ পিচতো এটি খুটাও সম্পূৰ্ণ নহল ভৰালঁটোলাৰ পকী দলংৰ৷উল্লেখযোগ্য যে হাজো আৰু বৰক্ষেত্ৰী সমষ্টিৰ সীমান্তবৰ্তী বৰগাছা ভৰালটোলাৰ বৰলীয়া নৈৰ ওপৰত এখন পকী দলংৰ আধাৰশিলা বিগত ২০১৯ চনতে সেইসময়ৰ বিধায়ক নাৰায়ণ ডেকাই কৰিছিল৷মনকৰিবলগীয়া যে পূৰ্বৰ ভগ্ন কাঠৰ দলংখনৰ পৰা বছৰি বছৰি ৰাইজে দুৰ্ভোগ ভূগিব লগা হোৱাত তাৰ পৰা ৰাইজক পৰিত্ৰাণ দিয়াৰ অৰ্থে বিধায়ক গৰাকীয়ে পকী দলংখনৰ কাম আৰম্ভ কৰিছিল৷কিন্তু দুৰ্ভাগ্যজনক কথা যে দলং নিৰ্মাণৰ দায়িত্ব পোৱা ঠিকাদাৰৰ অকৰ্মণ্যতাৰ বাবে আজি কোপতি দলংখনৰ এটি খুটাও সম্পূৰ্ণ কৰিব নোৱাৰিলে৷ইতিমধ্যে বিগত বানৰ সময়ত নৈৰ প্ৰৱল সোতে পূৰ্বৰ জৰাজীৰ্ণ কাঠৰ দলংখন সম্পূৰ্ণ ৰূপে উটুৱাই নিয়ে৷ফলত ৰাইজে এতিয়া এদাল তামোল গছৰে নিৰ্মিত সাকোৰে যাতায়ত অব্যাহত ৰাখিব লগা হৈছে৷৷