চৰাইদেউ জিলাৰ সোণাৰি সমষ্টিৰ অন্তৰ্গত ৰহন গোহাঁই গাঁৱৰ গান গাই ভালপোৱা পিতৃহাৰা অতি দৰিদ্ৰ পৰিয়ালৰ এগৰাকী ছাত্ৰ। নাম ভাস্কৰ ফুকন। ভাস্কৰৰ মাতৃ নিমাতী ফুকনে দৈনিক হাজিৰা কৰি পৰিয়াল পোহপাল কৰি আহিছে যদিও পুত্ৰৰ গানৰ প্ৰতি থকা হাবিয়াস পূৰণ কৰিবৰ বাবে নাছিল সামৰ্থ। সেয়েহে কিছুদিনৰ পূৰ্বে মাতৃৰ সৈতে ভাস্কৰ ফুকনে আৰ্থিক সাহাৰ্য বিচাৰি গৈছিল স্থানীয় বিধায়ক তথা মন্ত্ৰী বিমল বড়াৰ কাষলৈ আৰু মন্ত্ৰী বিমল বড়াই ভাস্কৰক এখনি গীটাৰ দিয়া প্ৰতিশ্ৰুতি প্ৰদান কৰিছিল। আৰু সেই প্ৰতিশ্ৰুতি পূৰণৰ সাপেক্ষে আজি মন্ত্ৰী বিমল বড়াই ভাস্কৰৰ বাসগৃহত উপস্থিত হৈ নিজ হাতেৰে এখন গীতাৰ প্ৰদান কৰে। লগতে মন্ত্ৰী বিমল বড়াই পুনৰ ভাস্কৰ গানত মুগ্ধ হৈ পৰে।