সোণাৰিৰ ৰহনত চাঞ্চল্যকৰ হত্যাকাণ্ড । সাপেখাতি আৰক্ষী থানাৰ অন্তৰ্গত ৰহন নেপালী গাঁৱত সংঘটিত হৈছে এই ঘটনা। দশমীৰ নিশাই শুৱা পাতিতে অচিনাক্ত দুৰ্বৃত্তই হত্যা কৰিলে সুভাষ মুণ্ডা আৰু বিনিতা মুণ্ডাক। জীতেন বৰুৱা নামৰ ব্যক্তিজনৰ বাগানত পাত চিঙা কামত কৰ্মৰত আছিল এই দুয়োগৰাকী লোক। চোকা দাৰে ঘপিয়াই হত্যা কৰাৰ সন্দেহ। হত্যাকাণ্ডৰ বিষয়ে জানিব পাৰি চৰাইদেউ জিলা আৰক্ষী অধীক্ষকৰ লগতে আৰক্ষীৰ এটা দল ঘটনাস্থলীত উপস্থিত হৈ অব্যাহত ৰাখিছে অনুসন্ধান।