बीड/आष्टी - आष्टी पोलीस ठाणे हद्दीत व आष्टी तालुक्यात सध्या चोरीसह घरफोडीचे प्रमाण वाढले आहे . सराईत दरोडेखोर आटल्या ईश्वर भोसले ( रा . बेलगाव ता . कर्जत ) याची टोळी आष्टी तालुक्यात सक्रिय असल्याची माहिती मिळत असून फोटोमधील इसम आपणास कोठेही दिसून आल्यास पोलिसांशी संपर्क साधावा . या दरोडेखोराचे नाव आटल्या ईश्वर भोसले असून याची माहिती पोलिसांना दिल्यास पोलिसांकडून माहिती देणाऱ्याचे नाव गोपनीय ठेवण्यात येईल व पंचवीस हजार हजार रुपये रोख स्वरूपात बक्षीस देण्यात येईल . या व्यक्तीची माहिती पोलिसांना देऊन सहकार्य करावे , असे आवाहन आष्टी पोलीस स्टेशनचे पोलीस निरीक्षक सलीम चाऊस यांनी केले आहे