শাৰদীয় দূৰ্গা পূজাৰ পূজাস্থলীত মা দুৰ্গাৰ আশীষ বিচাৰি সোণাৰি সমষ্টিৰ বিধায়ক ধৰ্মেশ্বৰ কোঁৱৰে বিভিন্ন পূজা মণ্ডপত উপস্থিত হোৱাৰ মাজতে আজি টাওকাক গাঁও পঞ্চায়তৰ অন্তৰ্গত লাহদৈগড়ত গৰাখহনীয়াও পৰিদৰ্শন কৰে। অসম-নগালেণ্ড সীমান্তৰ ৰাবাৰ নদীৰ গৰাখহনীয়াৰ ফলত ক্ষতিগ্ৰস্ত অঞ্চল পৰিদৰ্শন কৰে বিধায়ক গৰাকীয়ে। টাওকাক আঞ্চলিক পঞ্চায়তৰ সদস্য বিতু মিত্ৰ আৰু বিজেপি যুৱ মৰ্চাৰ ৰাজ্যিক সদস্য জ্যোতিষ কোঁৱৰ সহ উক্ত ঠাইত উপস্থিত হৈ গৰাখহনীয়া পৰিদৰ্শন কৰা বিধায়ক ধৰ্মেশ্বৰ কোঁৱৰে ঐতিহাসিক লাহদৈগড়ৰ এই গৰা খহনীয়া সোনকালেই প্ৰতিৰোধ ব্যৱস্থা গ্ৰহণৰ বাবে আঞ্চলিক পঞ্চায়তৰ সদস্য গৰাকীৰ লগত আলোচনা কৰে।