লখিমপুৰ জিলাৰ নাৰায়ণপুৰৰ চৈধ্যপুনীয়াস্থিত জৱাহৰ নৱোদয় বিদ্যালয়ত সোমবাৰে উপস্থিত হয় লখিমপুৰৰ সাংসদ প্ৰদান বৰুৱা। উপস্থিত হৈ জৱাহৰ নবোদয় বিদ্যালয়ৰ চৌহদত এম.জি.এন.ৰেগা ২০২১-২২ৰ পুঁজিৰে নিৰ্মাণ কৰি উলিওৱা মুখ্য প্ৰৱেশ পথৰ শুভাৰম্ভ কৰে। লগতে অধ্যক্ষ সমন্বিতে শিক্ষক-শিক্ষয়িত্ৰী আৰু একাংশ শিক্ষাৰ্থীৰ সৈতে মত-বিনিময় কৰে আৰু শিক্ষানুষ্ঠানখনৰ আন্তঃগাঁথনি,শৈক্ষিক পৰিৱেশ,পাঠ্যক্ৰম আদি ভিন্ন দিশৰ বুজ লয় সাংসদগৰাকীয়ে। সাংসদগৰাকীয়ে শিক্ষানুষ্ঠানখনৰ পৰিয়ালবৰ্গই বিদ্যালয়খনৰ গৰিমা সদায়ে সমুজ্জ্বল কৰি ৰাখিব বুলি আশা কৰিছে।