कन्नड : महात्मा जोतिबा फुलेंचे विचार लोकशाहीत गरजेचे माणसाच्या समृद्धीसाठी आणि स्त्रीमुक्तीसाठी अधिक गरजेची असल्याचे मत ज्येष्ठ विचारवंत श्रमिक मुक्ती दलाचे अध्यक्ष डॉ . भारत पाटणकर यांनी रविवारी व्यक्त केले . कन्नड शहरातील सहकारमहर्षी बाळासाहेब पवार वाचनालयात भाषा साहित्य संस्कृती संशोधन परिषदेचे अध्यक्ष डॉ . सर्जेराव जिगे यांच्या अध्यक्षतेत आयोजित कार्यक्रमात ते बोलत होते . इतिहासाचे पुनर्लेखन केले जात असून तो अवतारांच्या भाषेत सांगितला जात आहे . बहुजनांच्या देवीदेवतांचे महत्त्व कमी करुण काल्पनिक अवतारी देवता बिंबवल्या जाताहेत . बहुजनांच्या देवता हे सुभेदार योद्धे होते . त्यांनी बलिदान दिले . दानशूर बळीराजाला पाताळात दाबण्याची काय गरज होती . ब्राह्मण्यवादींना बळीची हत्या मंजूर आहे का ? याचे उत्तर कोण देणार ? पैसे देऊन लिहिलेल्या आंबेडकरांचे संदर्भ येतील का ही शंका आहे . जोतिबा फुलेंचे जलसंधारणाबाबतचे विचार वास्तवात आणण्याची गरज आहे . शेतीचे वर्ग पाडून जलसिंचनाचे नियोजन करावे लागेल , असे विचार त्यांनी व्यक्त केले