বৰভাগ ৰাজহচক্ৰৰ অন্তৰ্গত পশ্চিম বড়িগোগ সাৰ্ব্বজনীন শ্ৰীশ্ৰী দুৰ্গাপূজা,দেহাৰকুছিৰ এইবেলি ৫৯ তম বৰ্ষৰ বাবে বিস্তৃত কাৰ্য্যসূচীৰে আয়োজন কৰিছে৷একৰ পৰা পাচ অক্টোবৰলৈ আয়োজিত পূজাৰ আধ্যাত্মিক কাৰ্য্যসূচীৰ লগতে সপ্তমী আৰু অষ্টমী নিশা আমন্ত্ৰিত নাগাৰা নামৰ উপৰিও মহানৱমীৰ নিশা এখনি বৰ্নিল সাংস্কৃতিক সন্ধিয়াৰ আয়োজন কৰিছে৷সাংস্কৃতিক সন্ধিয়াত অসমৰ জনপ্ৰিয় কন্ঠশিল্পী গৌৰাঙ্গ ৰাগ আৰু অপৰ্না ৰাণীয়ে অংশগ্ৰহণ কৰিব৷তদুপৰি অহা সাত আৰু আঠ অক্টোবৰত শ্ৰীশ্ৰী দুৰ্গামন্দিৰৰ সাহাৰ্য্যথে দুটি নিশাৰ বাবে অসমৰ আগশাৰীৰ ভ্ৰাম্যমাণ থিয়েটাৰ দল ৰাজতিলক থিয়েটাৰক আমন্ত্ৰণ জনাইছে৷ৰাইজৰ সহযোগিতা কামনা কৰিছে পৰিচালনা সমিতিয়ে৷