শাৰদীয় দুৰ্গাপূজাৰ প্ৰাকক্ষণত কেঁচা চাহপাতৰ মূল্য হ্ৰাস পোৱাত চিন্তিত হৈ পৰিছে ক্ষুদ্ৰ চাহ খেতিয়ক সকল। পুঁজিপতি বনিকগোষ্ঠীৰ অধীনত থকা চাহ উদ্যোগত কেঁচা চাহপাতৰ উচিত মূল্য নিৰ্ধাৰণ নকৰাত প্ৰতিদিনেই লোকচানৰ সন্মুখীন হৈছে ক্ষুদ্ৰ চাহ খেতিয়ক সকল। আনহাতে উচিত মূল্য নোপোৱাত বহু সংখ্যক চাহ খেতিয়কে কেঁচা চাহপাত পেলায় দিবলগীয়া অৱস্থাৰো সৃষ্টি হৈছে। ইয়াৰ পৰিপ্ৰেক্ষিতত ৰাজ্যৰ ক্ষুদ্ৰ চাহ খেতিয়ক সকলক সকাহ দিয়াৰ স্বাৰ্থত মুখ্যমন্ত্ৰীৰ হস্তক্ষেপ বিচাৰিছে ক্ষুদ্ৰ চাহ খেতিয়ক সকলে।