જીટીયુની યુએફએમ (અનફેર મિન્સ કમિટી)એ ઈજનેરી, ફાર્મસી, એમબીએ, એમસીએ સહિતની પરીક્ષાઓમાં ચોરી કરતાં પકડાયેલા 361 વિદ્યાર્થીઓને લેવલ 1થી લેવલ 6 સુધીની સજા ફટકારી છે. આ વિદ્યાર્થીઓને પરીક્ષામાં નાપાસ કરવાથી માંડીને ત્રણ સેમેસ્ટર સુધી પરીક્ષામાં નહીં બેસવાની સજા કરવામાં આવી હતી.

વિવિધ કોર્સની પરીક્ષામાં કાપલીઓની મદદથી ચોરી કરતા કુલ 376 વિદ્યાર્થીઓ ચોરી કરતા પકડાયા હતા. આ વિદ્યાર્થીઓની સામે જીટીયુના પ્રતિનિધિઓએ કોપી કેસ કર્યો હતો. આ અંગે યુએફએમ કમિટીની સુનાવણી દરમિયાન આ વિદ્યાર્થીઓ હાજર રહ્યા હતા.