ধেমাজিৰ মৰিধল মহাবিদ্যালয়ৰ সমাজশাস্ত্ৰ বিভাগৰ উদ্যোগত প্ৰাক্তন ছাত্ৰ-ছাত্ৰীৰ সমাৰোহ সম্পন্ন

ধেমাজি জিলাৰ অন্যতম উচ্চশিক্ষাৰ প্ৰতিষ্ঠান মৰিধল মহাবিদ্যালয়ৰ সমাজশাস্ত্ৰ বিভাগৰ প্ৰাক্তন ছাত্ৰ-ছাত্ৰীৰ সমাৰোহখনি কালি দিনজোৰা কাৰ্যসূচীৰে অনুষ্ঠিত কৰা হয় । পুৱা পতাকা উত্তোলন, বৃক্ষ ৰোপণ আদি কাৰ্যসূচীৰ পিছতে অনুষ্ঠিত কৰা হয় মহাবিদ্যালয়খনৰ শিক্ষকসকলৰ সম্বৰ্ধনা অনুষ্ঠান । ইয়াৰ পিছতে অনুষ্ঠিত কৰা অন্তৰংগ আলাপ অনুষ্ঠানত শতাধিক প্ৰাক্তন ছাত্র-ছাত্ৰীৰ লগতে মহাবিদ্যালয়ৰ শিক্ষক সকলেও নিজৰ অভিজ্ঞতা আৰু স্মৰণীয় ঘটনাৰ ৰসাল বৰ্ণনাৰে উপভোগ্য কৰি তোলে অনুষ্ঠানটো । অনুষ্ঠানত মহাবিদ্যালয়ৰ ছাত্ৰ-ছাত্ৰী সকলে পৰিবেশন কৰা গীত-মাত, নৃত্য আদি বিভিন্ন সাংস্কৃতিক অনুষ্ঠানে জীপাল কৰি তোলে পৰিবেশ।