कन्नड तालुक्यातील करजखेड व परिसरात गेल्या पंधरवड्यात झालेल्या अतिवृष्टीमुळे खरीप पिकांचे नुकसान झाले आहे . त्याचबरोबर अद्रक पिकाचे देखील सड व पिवळा करपा लागून मोठ्या प्रमाणात नुकसान झाले आहे . त्यामुळे अद्रक पिकाच्या उत्पादनात मोठी घट होण्याची शक्यता दिसत आहेत . नागापूर , घाटशेद्रा , नेवपूर . चिमणापूर , सावरगाव, , पिशोर , चिंचोली , उबरखेडा ही गावे अद्रक उत्पादनात अग्रेसर असून सलग दोन वर्षांपासून अद्रक पिकास भाव मिळत नसल्याने शेतकरी हतबल झाला आहे .