দেশৰ প্ৰধানমন্ত্ৰী নৰেন্দ্ৰ মোদীৰ জন্ম দিন উপলক্ষে ভাৰতীয় জনতা পাৰ্টীৰ চৰাইদেউ জিলা সমিতিৰ উদ্যোগত চাহ জনগোষ্ঠী আৰু অনুসূচীত জাতি মৰ্চাৰ তত্বাৱধানত মাহমৰা গ্ৰাম্য মন্ডলৰ সহযোগত সেৱা পষেক কাৰ্যসূচীৰ অংশ আজি মাহমৰা সমষ্টিৰ দিচাও বটুৱাত স্বাস্থ্য পৰীক্ষা শিবিৰ এটা অনুষ্ঠিত কৰা হয়। বিনামূলীয়া স্বাস্থ্য পৰীক্ষা শিবৰটোত উপস্থিত থাকি বিজেপি চৰাইদেউ জিলা সমিতিৰ সভাপতি লক্ষ্মীনাথ তাছাই স্বাস্থ্য পৰীক্ষা কৰিবলগীয়া ব্যক্তি সকলৰ লগত মত বিনিময় কৰে আৰু উপস্থিত ৰাইজ তথা চিকিৎসক আৰু চিকিৎসা কৰ্মী সকলক ধন্যবাদ জ্ঞাপন কৰে। প্ৰায় ডেৰ শতাধিক ৰাইজ উপস্থিত থকা বিনামূলীয়া স্বাস্থ্য পৰীক্ষা শিবিৰত উপস্থিত থাকে জিলা উপ-সভাপতি ৰজকমল মহন, মন্টু কোঁৱৰ, সম্পাদক অজন্ত বৰুৱা, যুৱ মৰ্চাৰ ৰাজ্যিক সদস্য নৱ বৰুৱা, জিলা অনুসূচীত জাতি মৰ্চাৰ সভাপতি মাধৱ দাস, চাহ জনগোষ্ঠয় মৰ্চাৰ সভাপতি বিজয় ভুমিজ, মন্ডল সভাপতি ৰামচন্দ্ৰ ভুমিজ, মাহমৰা গ্ৰাম্য মন্ডলৰ সভাপতি দিগন্ত আৰন্ধৰা, অনুসূচীত জাতি মৰ্চাৰ মন্ডল সভাপতি অৰুণ দাস, উদয়পুৰ গাঁও পঞ্চায়তৰ সভানেত্ৰী স্মৃতি দুৱৰা ,মাহমৰা গ্ৰাম্য মন্ডলৰ যুৱ মৰ্চাৰ সভাপতি ভৰত গগৈ প্ৰমুখ্যে বহু কেইজন দলীয় কাৰ্যকৰ্তা।