ত্ৰিশ ছেপ্তেম্বৰত ছবিগৃহলৈ আহিব ৰজতকমল বঁটা প্ৰাপ্ত অসমীয়া বোলছবি ব্ৰিজ ৷ ২০২০ বৰ্ষৰ ৰাষ্ট্ৰীয় চলচিত্ৰ বঁটাৰ আঞ্চলিক ভাষাৰ শ্ৰেষ্ঠ ছবিৰ সন্মান কঢ়িয়াই অনা ব্ৰিজ ছবি খন ত্ৰিশ ছেপ্তেম্বৰত মুক্তি লাভ কৰিব অসমৰ ৪৫ টা ছবিগৃহত ৷ অসমৰ গ্ৰাম্য পটভূমিত নিৰ্মিত ছবি খনক অসমীয়া ৰাইজে আকোঁৱালী লোৱাৰ আশা প্ৰকাশ পৰিচালক কৃপাল কলিতাই ৷ ২০২০ বৰ্ষতে ছবিখন মুক্তি লাভ কৰাৰ কথা আছিল যদিও কৰোনা মহামাৰিৰ বাবে মুক্তি দিব পৰা নাছিল ৷ সম্প্ৰতি ছবি খন মুক্তিৰ বাবে অভিনেত্ৰী শিৱাৰাণী কলিতাক আৰু কৃপাল কলিতাই ৰাজ্যৰ প্ৰান্তে প্ৰান্তে প্ৰচাৰ চলাইছে ৷ যোৱা নিশা নাৰায়ণপুৰ প্ৰেছ ক্লাবত ছবিখনৰ প্ৰচাৰ চলাই ৷ উল্লেখ্য যে ছবিখনৰ নবাগতা অভিনেত্ৰী শিৱাৰাণী কলিতাই কেইবাটাও শিতানত সন্মান বুটলিবলৈ সক্ষম হৈছে ৷